இயகுனர் லோகேஷ் கனகராஜ் சொன்ன கதையை ஓரங்கட்டிய பிரபல நடிகர்? - வெளியான முக்கிய தகவல்!

மாநகரம் படம் மூலம் தமிழ் சினிமாவில் இயக்குனராக அடி எடுத்து வைத்தவர் இயக்குனர் லோகேஷ் கனகராஜ். முதல் படமே வெற்றி பெற்றதால் அடுத்ததாக கார்த்தியுடன் கைதி படத்தை இயக்கினார்.

அதுவும் வெற்றி பெற்று ரசிகர்கள் மத்தியில் நல்ல வரவேற்பை பெற்றதை தொடர்ந்து தென்னிந்திய சினிமாவின் வளர்ந்து வரும் இளம் இயக்குனர்களில் ஒருவராக லோகேஷ் உருவெடுத்தார்.

தனது 3-வது படத்திலேயே தளபதி விஜய்யுடன் கைக்கோர்த்தார். மாஸ்டர் படத்தின் வெற்றிக்குப் பிறகு தற்போது லோகேஷ் கனகராஜ் நடிகர் கமல்ஹாசனை வைத்து விக்ரம் என்ற படத்தை இயக்கியுள்ளார்.

நடிகர்கள் கமல் ஹாசன், விஜய் சேதுபதி,ஃபஹத் ஃபாசில் என பல முன்னணி நட்சத்திரங்கள் இணைந்து நடித்திருக்கும் விக்ரம் படம் இன்று உலகம் முழுவதும் பிரம்மாண்டமாக வெளியானது.

படம் ரசிகர்களை பெருமளவில் கவர்ந்து வெற்றியடைந்துள்ளது. 

இந்நிலையில் இயக்குனர் லோகேஷ் கனகராஜ், தெலுங்கு திரையுலகின் முன்னணி நடிகர்களில் ஒருவரான பிரபாஸிடம் கதை கூறியதாக தகவல் வெளியாகியுள்ளது.

மேலும், கதை சாதரணமாக இருப்பதாக கூறி லோகேஷ் சொன்ன கதையை பிரபாஸ் நிராகரித்ததாகவும் தகவல் வெளியாகி உள்ளது.

பாகுபலி படத்தில் நடித்து இந்திய அளவில் பிரபலமானவர் பிரபாஸ் என்பது குறிப்பிடத்தக்கது.