மாநிலங்களவை உறுப்பினராக தமிழில் பதவியேற்றார் கமல்ஹாசன்

நடிகரும் மக்கள் நீதி மையம் கட்சியின் தலைவருமான கமல்ஹாசன், இந்திய நாடாளுமன்றத்தின் மாநிலங்கள் அவையின் உறுப்பினராக பதவிப்பிரமாணம் எடுத்துக்கொண்டார்.

தமிழில் பதவிப்பிரமாணம்...

தமிழகத்தில் இருந்த மாநிலங்களவைக்கு தேர்ந்தெடுக்கப்பட்ட திமுகவை சேர்ந்த சண்முகம், முகமது அப்துல்லா, பி.வில்சன், அதிமுகவின் சந்திரசேகரன், பாமக தலைவர் அன்புமணி ராமதாஸ் மற்றும் மதிமுக பொதுச்செயலர் வைகோ ஆகிய 6 பேரின் பதவிக்காலம் நேற்றுடன் முடிவடைந்தது.

இந்நிலையில் காலியான இடங்களுக்கான தேர்தல் யூன் மாதம் நடத்தப்பட்டது. அதில் திமுக, அதிமுக சார்பில் முன்னிறுத்தப்பட்ட 6 போட்டியாளர்களும் போட்டியின்றி தேர்வாகினர்.

இதில் மக்கள் நீதி மய்யத்தின் தலைவர் கமல்ஹாசன் மாநிலங்களவைக்கு தேர்ந்தெடுக்கப்பட்டார்.

இன்று தமிழில் பதவியேற்றுக்கொண்டார், திமுகவின் பி.வில்சன், கவிஞர் ராஜாத்தி என்கிற சல்மா, எஸ்.ஆர்.சிவலிங்கம் ஆகியோரும் தமிழ் மொழியில் பதவியேற்றுக்கொண்டனர்.