அயோத்தி ராமர் கோயில் அருகே ரூ.14.5 கோடிக்கு நிலம் வாங்கிய பிரபல நடிகர் - யார் தெரியுமா?
Jiyath
in பிரபலங்கள்
நடிகர் அமிதாப் பச்சன் அயோத்தியில் ரூ.14.5 கோடி மதிப்பில் நிலம் வாங்கியுள்ளதாக தகவல் வெளியாகியுள்ளது.
அமிதாப் பச்சன்
உத்திர பிரதேச மாநிலம் அயோத்தியில் பிரம்மாண்டமான ராமர் கோயில் கட்டப்பட்டுள்ளது. இந்த கோயிலின் கும்பாபிஷேக விழா வரும் 22-ம் தேதி நடைபெற உள்ளது.
இந்த விழாவில் பிரதமர் மோடி உள்ளிட்ட பல முக்கிய தலைவர்கள் கலந்து கொள்ளவுள்ளனர். இந்நிலையில் பிரபல பாலிவுட் நடிகர் அமிதாப் பச்சன் அயோத்தியில் 10 ஆயிரம் சதுர அடியில் வீட்டுமனையை வாங்கியிருப்பதாகவும், இதன் மதிப்பு ரூ.14.5 கோடி இருக்கும் என்றும் தகவல் வெளியாகியுள்ளது.
அயோத்தியின் சராயு பகுதியில் அமைந்துள்ள இந்த வீட்டுமனை, ராமர் கோயிலிலிருந்து சுமார் 10 நிமிட தொலைவில் அமைந்துள்ளது.
வீட்டு மனை திட்டம்
மேலும், விமான நிலையத்திலிருந்து 20 நிமிட தொலைவில் அமைந்துள்ளது. மும்பையை சேர்ந்த வீட்டு மேம்பாட்டு நிறுவனமான ஹவுஸ் ஆஃப் அபிநந்தன் லோத்தா (The House of Abhinandan Lodha - HoABL) நிறுவனம்,
அயோத்தி ராமர் கோவிலுக்கு அருகே 51 ஏக்கர் பரப்பளவில் வீட்டு மனை திட்டத்தை செயல்படுத்த உள்ளது. இந்த இடத்தில் ஐந்து நட்சத்திர ஹோட்டலுடன் மிகப் பிரம்மாண்டமான வீடுகள் கட்டப்பட உள்ளன. அயோத்தியில் அமிதாப் பச்சன் சொந்தமாக வீட்டுமனை வாங்கியிருப்பது தற்போது பாலிவுட்டில் பேசுபொருளாக மாறியுள்ளது.
