18 வருடங்கள் கழித்து மீண்டும் - புது படத்தில் 'வரலாறு' படைக்கிறாரா அஜித்?
Jiyath
in பிரபலங்கள்
'குட் பேட் அக்லி' படத்தில் 3 வேடங்களில் அஜித் நடிக்கவுள்ளதாக தகவல் வெளியாகியுள்ளது.
நடிகர் அஜித்
மகிழ் திருமேனி இயக்கத்தில் 'விடாமுயற்சி' என்ற படத்தில் நடிகர் அஜித் குமார் நடித்து வருகிறார். நடிகை த்ரிஷா கதாநாயகியாக நடிக்கும் இந்த படத்தில் அர்ஜுன், ரெஜினா கெஸாண்ட்ரா,
ஆரவ் உள்ளிட்டோரும் நடித்து வருகின்றனர். விடாமுயற்சி படத்தை தொடர்ந்து ஆதிக் ரவிச்சந்திரன் இயக்கத்தில் அஜித் நடிக்கவுள்ளார். இந்த படத்திற்கு "குட் பேட் அக்லி" என்று பெயர் வைக்கப்பட்டுள்ளது.
3 வேடங்களில்
தேவி ஸ்ரீ பிரசாத் இசையமைக்கும் இப்படத்தின் படப்பிடிப்பு ஜூன் மாதம் முதல் தொடங்கவுள்ளது. இந்நிலையில் 'குட் பேட் அக்லி' படத்தில் 3 வேடங்களில் அஜித் நடிக்கவுள்ளதாக தகவல் வெளியாகியுள்ளது.
முன்னதாக 2006-ம் ஆண்டு வெளியான வரலாறு படத்தில் 3 வேடங்களில் அஜித் நடித்திருந்தார். தற்போது 18 வருடங்களுக்கு பிறகு மீண்டும் 3 வேடங்களில் அவர் நடிக்கவுள்ளதாக தெரிகிறது.
