இயக்குனர் சுதா கொங்கராவுடன் கைக்கோர்க்கும் நடிகர் அஜித் ? - வெளியான சுவாரஸ்ய தகவல் ; ரசிகர்கள் உற்சாகம்

தமிழ் திரையுலகில் உச்ச நடிகராக வலம் நடிகர் அஜித்குமார் தற்போது தனது 61-வது படத்தில் நடித்து வருகிறார்.

நேர்கொண்ட பார்வை, வலிமை படங்களை தொடர்ந்து இந்த படத்தில் அஜித் மீண்டும் இயக்குனர் எச்.வினோத்- போனி கபூர் கூட்டணியுடன் இணைந்திருக்கிறார். இதற்கான படப்பிடிப்பு ஹைதராபாத்தில் விறு விறுப்பாக நடைபெற்று வருகிறது.

இந்த படத்தை தொடர்ந்து அடுத்தாக அஜித் தனது 62-வது படத்தில் இயக்குனர் விக்னேஷ் சிவனுடன் கைக்கோர்த்துள்ளார். AK'62 படத்திற்கு அனிருத் இசையமைக்கிறார். படத்தை லைக்கா நிறுவனம் தயாரிக்கவுள்ளது.

இந்த நிலையில், இந்த இரண்டு படங்களை தொடர்ந்து அஜித் இயக்குனர் சுதா கொங்கரா இயக்கத்தில் தனது 63-வது படத்தில் நடிக்கவுள்ளதாகவும், ஒரு கேங்ஸ்டார் படமாக இது இருக்கும் எனவும் தகவல் வெளியாகி இருக்கிறது.

மேலும் அந்த படத்திற்கு இசையமைப்பாளர் ஜி.வி.பிரகாஷ் குமார் இசையமைக்க இருப்பதாகவும் தகவல்கள் பரவியது.

இதனை உறுதிப்படுத்தும் வகையில்  ஜிவி பிரகாஷின் சமீபத்தில் ஊடக பேட்டி அமைந்துள்ளது. ஊடகம் ஒன்றிற்கு பேட்டியளிக்கும் போது அஜித் படம் குறித்து பேசியுள்ள அவர்,

“சுதா கொங்கராவும் அஜித் சாரும் இணைந்து படம் பண்ணுவாங்க, அதுக்கான நேரம் அமைய வேண்டும். அஜித் சாருடைய கால்ஷீட் சுதா மேம்முடைய கால்ஷீட் சரியாக அமைந்தவுடன் படம் பண்ணுவாங்க. கண்டிப்பாக நானும் அஜித் சாரும் படம் பண்ண வாய்ப்பு இருக்கு” என கூறியுள்ளார்.

இந்த தகவல் அஜித் ரசிகர்களை உற்சாகமடைய செய்துள்ளது.