வீடியோ எடுத்த ரசிகர்; கடுப்பாகி அஜித் செய்த காரியம் - விளாசும் நெட்டிசன்கள்!

நடிகர் அஜித்தின் புதிய வீடியோ ஒன்று இணையத்தில் வைரலாகி வருகிறது.

நடிகர் அஜித்

தமிழ் திரையுலகின் முன்னணி நடிகரான அஜித் தற்போது விடாமுயற்சி என்ற படத்தில் நடித்து வருகிறார். இப்படத்தை மகிழ் திருமேனி இயக்க, அனிருத் இசையமைக்கிறார்.

மேலும், லைகா நிறுவனம் இந்த படத்தை தயாரிக்கிறது. விடாமுயற்சி படத்தின் படப்பிடிப்பு அஜர்பைஜான் நாட்டில் விறுவிறுப்பாக நடைபெற்று வருகிறது. இந்த படத்தில் அர்ஜுன், திரிஷா, ரெஜினா, சந்தீப் கிஷன் ஆகியோர் நடித்து வருவதாக கூறப்படுகிறது.

இந்நிலையில் புத்தாண்டு கொண்டாட்டத்திற்காக துபாய் சென்றுள்ள நடிகர் அஜித், ஹோட்டலில் ரசிகை ஒருவருடன் நடனமாடும் வீடியோவும், சொகுசு படகு ஒன்றில் சென்றபோது ரசிகர்களுக்கு கையசைத்து சென்ற வீடியோவும் இணையத்தில் வைரலானது.

வைரலாகும் வீடியோ

அதேபோல் மற்றோரு வீடியோவும் தற்போது வைரலாகி வருகிறது. அதில், நடிகர் அஜித் சொகுசு படகிலிருந்து குடும்பத்தோடு இறங்கி வருகையில், ரசிகர் ஒருவர் செல்போனில் வீடியோ எடுக்கிறார்.

அப்போது அந்த ரசிகரிடம் இருந்து செல்போனை வாங்கிய அஜித், எடுக்கப்பட்ட வீடியோவையோ, புகைப்படத்தையோ டெலிட் செய்கிறார். இதனைப் பார்த்த நெட்டிசன்கள் அந்த ரசிகர் அப்படி என்ன தவறாக செய்துவிட்டார் என கேள்வி எழுப்புகின்றனர்.

அதேசமயம் சிலர் அவர் குடும்பத்தினருடன் இருக்கும்போது ரசிகர் ஏன் இந்த செயலை செய்தார். அதனால்தான் அவர் கடுப்பாகியிருப்பார் என்று கூறி வருகின்றனர்.