நாகர்கோவில் பேருந்து நிலையத்தில் இளம் பெண்ணை துாக்கிய படி வலம் வந்த இளைஞர் - வைரலாகும் வீடியோ..!
நாகர்கோவில் பேருந்து நிலையத்தில் இளைஞர் ஒருவர் இன்ஸ்டாகிராம் ரீல்ஸ்காக இளம் பெண்ணை துாக்கிய படி வலம் வந்த வீடியோ காட்சி இணையத்தில் வைரலாகி வருகிறது.
இளம் பெண்ணை துாக்கி சென்ற வாலிபர்
நாகர்கோவில் அண்ணா பேருந்து நிலையத்தில் நேற்று முன் தினம் மாலை வழக்கமான கூட்டம் காணப்பட்டது. பள்ளி, கல்லுாரி முடிந்து மாணவ- மாணவிகளும், வேலைக்கு சென்று திரும்பிய ஆண்கள் மற்றும் பெண்கள் தங்கள் இல்லதத்திற்கு திரும்புவதற்காக பேருந்துக்காக காத்திருந்தனர்.
அப்போது இளம் பெண் மற்றும் வாலிபர் ஒருவரும் அங்கு வந்துள்ளனர். திடீரென இளம்பெண்ணை, அந்த வாலிபர் துாக்கியபடி நடந்து சென்றார்.
அப்போது இளம் பெண்ணை கொஞ்சியபடியும், சிரித்தபடியும் துாக்கிச் சென்றார். இதை ஒருவர் வீடியோ பதிவு செய்தார்.
முகம் சுழித்த பொதுமக்கள்
முதலில் அந்த ஜோடியின் நடவடிக்கைகளை கவனித்துக் கொண்டிருந்த பொதுமக்கள சினிமா படப்பிடிப்பாக இருக்கலாம் என நினைத்துள்ளனர். அவர்கள் சினிமா படப்பிடிப்பு நடத்தவில்லை.
சமூக வலைத்தளத்தில் இன்ஸ்டாகிராம் ரீல்ஸ்சில் பதிவிடுவதற்காக வீடியோ எடுக்கிறார்கள் என்பதும் தெரிய வந்தது. இதை தெரிந்து கொண்ட பொதுமக்கள் அதிர்ச்சி அடைந்தனர்.
பின்னர் இது தொடர்பாக விசாரித்ததில் இளம்பெண்ணும், வாலிபரும் காதலித்து திருமணம் செய்து கொண்டவர்கள் என்றும், சமூகவலைதளங்களில் வெறும் லைக்குகளுக்கு ஆசைப்பட்டு இதுபோன்ற செயலில் ஈடுபட்டதும் தெரியவந்தது.
பொதுமக்கள் அதிகம் கூடும் இடங்களில் இதுபோன்ற செயல்களில் இளைஞர்களும், இளம் பெண்களும் இவ்வாறு நடந்து கொண்டது அனைவரையும் முகம் சுழிக்க வைத்தது.
