படப்பிடிப்பில் தொந்தரவு செய்த அந்த தமிழ் ஹீரோ...பரபரப்பை ஏற்படுத்திய நித்யா மேனன்!!

தமிழ் திரைப்பட நடிகர் ஒருவர் தனக்கு படப்பிடிப்பின் போது நிறைய துன்புறுத்தினார் என நடிகை நித்யா மேனன் பேட்டி ஒன்றில் பேசி பரபரப்பை ஏற்படுத்தி இருக்கின்றார்.

நடிகை நித்யா மேனன்

அழுத்தமான கதாபாத்திரங்களில் நடித்து தமிழ் மட்டுமின்றி மலையாளம் மற்றும் தெலுங்கு மொழி படங்களிலும் தனக்கென தனி அடையாளத்தை உருவாக்கி கொண்டுள்ளவர் நடிகை நித்யா மேனன். தமிழில் விஜயுடன் மெர்சல், சூர்யாவுடன் 24, தனுஷுடன் திருச்சிற்றம்பலம் போன்ற படங்களில் தனது அசாத்திய நடிப்பு திறமையை வெளிப்படுத்தி அசத்தியிருந்தார்.  

தற்போது நித்யா மேனன் நடிப்பில், குமாரி ஸ்ரீமதி என்ற ட்ராமா தொடர் வரும் 28-ஆம் தேதி OTT தளத்தில் வெளியாகவுள்ளது. இந்நிலையில், சமீபத்திய நித்யா மேனனின் பேட்டி ஒன்று வைரலாகி வருகின்றது.

துன்புறுத்திய தமிழ் நடிகர் 

அந்த பேட்டியில், தெலுங்கு சினிமாவில் இதுவரை தான் எந்த ஒரு பிரச்சனையையும் சந்தித்தது இல்லை என வெளிப்படையாக கூறிய நித்யா மேனன், ஆனால் தமிழ் சினிமாவில் நிறைய பிரச்சனை சந்தித்தேன் என தெரிவித்தார்.

ஒரு படத்தின் படப்பிடிப்பு போது தமிழ் சினிமா நடிகர் தன்னை துன்புறுத்தினார் என நித்யா மேனன் கூற தற்போது அந்த நடிகர் யார் என்ற கேள்விகளை ரசிகர்கள் பலரும் எழுப்பி வருகின்றனர்.