எட்டு வழிச்சாலை திட்டத்திற்கு தி.மு.க. எதிரி அல்ல : அமைச்சர் எ.வ.வேலு

சென்னை-சேலம் 8 வழிச்சாலை திட்டத்தை எதிர்க்கவும் இல்லை, ஆதரிக்கவும் இல்லை என்று அமைச்சர் எ.வ.வேலு தெரிவித்துள்ளார்.

மதுரையில் கட்டப்பட்டு வரும் கலைஞர் நூலகத்தை அமைச்சர் எ.வ.வேலு மற்றும் பத்திரபதிவுதுறை அமைச்சர் மூர்த்தி ஆகியோர் இன்று பார்வையிட்டனர். அப்போது செய்தியாளர்களிடம் பேசிய  அமைச்சர் எ.வ.வேலு :

தி.மு.க. எதிரி அல்ல

சேலம்-சென்னை 8 வழிச்சாலை திட்டத்தை நாங்கள் எதிர்க்கவும் இல்லை, ஆதரிக்கவும் இல்லை. 8 வழிச்சாலை திட்டத்திற்கு தி.மு.க. எதிரி அல்ல. பிரச்சினைகளை சரிசெய்யவே முன்பு கூறினோம்.

எட்டு வழி சாலை

8 வழிச்சாலை திட்டத்தை பொறுத்தவரை தமிழ்நாடு அரசு சார்பில் கொள்கை முடிவு எடுக்கப்பட வேண்டியுள்ளது. போக்குவரத்து அதிகரிக்கும் போது சாலைகளை விரிவுபடுத்திதான் ஆக வேண்டும். நிலங்களை எடுத்து தான் ஆக வேண்டும். இவ்வாறு அவர் கூறினார்.