திருச்செந்தூர் சென்று திரும்பிய வேன் பயங்கர விபத்து - 6 பேர் பலி!

மரத்தில் சுற்றுலா வேன் மோதியதில் 6 பேர் உயிரிழந்த சம்பவம் சோகத்தை ஏற்படுத்தியுள்ளது.

வேன் மோதி விபத்து

ராணிப்பேட்டையை சேர்ந்தவர்கள் சுற்றுலா வேனில் திருச்செந்தூர் சென்றுள்ளனர். அங்கு சாமி தரிசனத்தை முடித்துவிட்டு ஊருக்கு திரும்பி கொண்டிருந்தனர்.

அப்போது உளுந்தூர்பேட்டை அருகே மேட்டத்தூர் எனும் இடத்தில் கனமழை பெய்துள்ளது. இதில், டிரைவரின் கட்டுப்பாட்டை இழந்த சுற்றுலா வேன் சாலையோர மரத்தில் அதிபயங்கரமாக மோதியது.

அரசு பேருந்து மீது கார் மோதி கோர விபத்து - 5 பேர் பலி!

6 பேர் பலி

இந்த விபத்தில் 2 பெண்கள் உள்பட 6 பேர் சம்பவ இடத்திலேயே உயிரிழந்தனர். மேலும் 16 பேர் படுகாயமடைந்தனர். உடனே, தகவலறிந்து விரைந்த போலீஸார் காயமடைந்தவர்களை மீட்டு மருத்துவமனையில் அனுமதித்துள்ளனர்.

தொடர்ந்து இதுதொடர்பாக வழக்குப்பதிவு செய்து விசாரணை மேற்கொண்டு வருகின்றனர். இச்சம்பவம் சோகத்தையும், அதிர்ச்சியையும் ஏற்படுத்தியுள்ளது.