சாலையோரம் சென்ற தொழிலாளியை முட்டி தூக்கி குடலை உருவிய மாடு - அதிர்ச்சி சம்பவம்!

தொழிலாளி ஒருவரை மாடு முட்டி தூக்கிய சம்பவம் அதிர்ச்சியாய் ஏற்படுத்தியுள்ளது.

மாடு முட்டிய சம்பவம்

சென்னை, பழவந்தாங்கல் பி.வி. நகர், 2-வது குறுக்கு தெருவில் வசித்து வருபவர் கண்ணன் 51 வயதான இவர் ஒரு தொழிலாளி, இவர் மனைவியை பிரிந்து தனது தங்கை வீட்டில் வசித்து வருகிறார். இவர் நேற்று இரவு 7 மணியளவில் வீட்டின் அருகே உள்ள கடைக்கு நடந்து சென்றார்.

அவர் நேரு நெடுஞ்சாலை வழியாக உழவர் சந்தை அருகே சென்றபோது அங்கு நின்றுகொண்டிருந்த மாடு ஒன்று திடீரென ஆவேசத்தில் இவரை முட்டி தூக்கியது, அதில் அவருக்கு குடல் வெளியே சரிந்தது.

போலீஸ் விசாரணை

இந்நிலையில், அதிர்ச்சி அடைந்த அக்கம்பக்கத்தினர் அந்த மாட்டை விரட்டியடித்து உயிருக்கு போராடிய கண்ணனை மீட்டு குரோம்பேட்டை அரசு ஆஸ்பத்திரியில் சேர்த்தனர். அவருக்கு தீவிர சிகிச்சை அளித்து வருகின்றனர். இதுகுறித்து பழவந்தாங்கல் போலீசார் மேலும் விசாரணை நடத்தி வருகிறார்கள்.

கண்ணனை மாடு முட்டி தூக்கி வீசிய பகுதியில் கால்நடைகள் அதிகம் சுற்றி வருகின்றன. இதனால் வாகன ஓட்டிகள் பாதிக்கப்பட்டு வருகின்றனர். இதனால் அப்பகுதி மக்கள் சம்மந்தப்பட்ட அதிகாரிகள் உரிய நடவடிக்கை எடுக்கவேண்டும் என்று கோரிக்கை வைத்து வருகின்றனர். இந்த சம்பவம் பெரும் பரபரப்பை ஏற்படுத்தியுள்ளது.