பேருந்து கவிழ்ந்து கோர விபத்து - 40 பேர் உயிரிழப்பு

பாகிஸ்தானில் பேருந்து கவிழ்ந்து விபத்துக்குள்ளானதில் 40 பேர் உயிரிழந்தனர்.

40 பேர் உயிரிழப்பு 

தென்மேற்கு பாகிஸ்தானில் பாலத்தில் இருந்து பேருந்து ஒன்று கவிழ்ந்து தீப்பிடித்து எரிந்ததில் குறைந்தது 40 பேர் உயிரிழந்திருக்கலாம் என தகவல் வெளியாகியுள்ளது.

இந்த விபத்து குறித்து அதிகாரி ஒருவர் கூறுகையில், குவாட்டா நகரில் இருந்து கராச்சி நோக்கி பேருந்து ஒன்று வேகமாக சென்றதாக கூறப்படுகிறது.

இந்த நிலையில் கட்டுப்பாட்டை இழந்த நிலையில் பள்ளத்தாக்கில் கவிழ்ந்து விபத்துக்குள்ளானது. பேருந்து பள்ளத்தாக்கில் கவிழ்ந்த உடன் பேருந்து தீ பிடித்து எரிந்தது.

பேருந்தில் பயணம் செய்த 48 பேரில் 40 உயிரிழந்துள்ளதாக கூறப்படுகிறது. இந்த கோர விபத்து குறித்து விசாரணை மேற்கொள்ளப்பட்டு வருகிறது.