பேருந்துகள் நேருக்கு நேர் மோதி விபத்து - 40 பேர் கோர பலி

2 பேருந்துகள் நேருக்கு நேர் மோதிய விபத்தில் 40 பேர் பரிதாபமாக உயிரிழந்தனர்.

40 பேர் பரிதாப பலி 

மேற்கு ஆப்பிரிக்காவில் அமைந்துள்ள நாடு செனகல். இந்த நாட்டின் கப்ரினி நகரில் நேற்று மாலை 2 நெடுஞ்சாலையில் சென்று கொண்டிருந்த 2 பேருந்துகள் நேருக்கு நேர் மோதின.

இந்த கோர விபத்தில் 40 பேர் பரிதாபமாக உயிரிழந்தனர். மேலும் 87 பேர் படுகாயமடைந்தனர். தகவலறிந்து சம்பவ இடத்திற்கு வந்த மீட்புக்குழுவினர் படுகாயமடைந்தவர்களை மீட்டு அருகில் உள்ள மருத்துவமனையில் அனுமதித்தனர்.

பேருந்தின் டயர் வெடித்ததில் கட்டுப்பாட்டை இழந்த பேருந்து எதிரே வந்த மற்றொரு பேருந்து மீது மோதி விபத்து ஏற்பட்டுள்ளதாக முதற்கட்ட தகவல் வெளியாகியுள்ளது.

விபத்தில் படுகாயமடைந்துள்ளவர் உடல்நிலை மேசாமாக இருப்பதால் உயிரிழப்புகள் அதிகரிக்கக்கூடும் என்று அஞ்சப்படுகிறது.