துப்பு துலக்கிய போலீஸ் - ராஷ்மிகா Deepfake வீடியோ 4 பேர் சிக்கிய பின்னணி..?

நடிகை ராஷ்மிகா மந்தனா Deep fake வீடியோ வழக்கில் தொடர்புடைய 4 பேரிடம் டெல்லி போலிஸ் விசாரணை நடத்திவருகிறது.

DeepFake வீடியோ

சமீபத்தில் நடிகை ராஷ்மிகா மந்தனா போன்று சித்தரிக்கப்பட்ட வீடியோ ஒன்று இணையதளத்தில் வெளியாகி வைரல் அடைந்தது. இந்த விவகாரத்தில் விரைவில் நடவடிக்கை எடுக்க வலியுறுத்தி பல்வேறு தரப்பில் இருந்து கண்டனங்கள் எழுந்தன.

மேலும் DeepFake வீடியோவால் ராஷ்மிகா வருத்தம் அடைந்துள்ளதாக செய்திகள் வெளிவந்தன. இது போன்ற செயல்களில் ஈடுபடுவர்களுக்கு 3 ஆண்டுகள் சிறை மற்றும் ரூ.1 லட்சம் அபராதம் விதிக்கப்படும் என மத்திய அரசு எச்சரித்திருந்தது.

சிக்கிய பின்னணி என்ன..?

இந்த விவகாரம் தொடர்பாக 5 பிரிவுகளின் கீழ் வழக்குப்பதிவு செய்து டெல்லி போலிசார் தீவிர விசாரணை நடத்தியது. மேலும், வீடியோ வெளியான குறிப்பிட்ட ID'யை meta நிறுவனத்திடம் சமர்ப்பித்து சம்மந்தப்பட்டவர்களை சுற்றிவளைத்ததாக தகவல்கள் வெளியாகியுள்ளன.

இந்த வழக்கின் நடவடிக்கை குறித்து தேசிய மகளிர் ஆணையமானது டெல்லி போலீசாரிடம் அறிக்கை ஒன்றை கேட்டிருந்தது. இந்நிலையில் இந்த வழக்கில் தொடர்புடைய 4 பேரை போலிஸ் கைது செய்து தீவிர விசாரணை நடத்தி வருகிறது.