2வது ஒரு நாள் போட்டி; இந்திய அணி படுதோல்வி - ஆஸ்திரேலியா அபார வெற்றி
Thahir
in கிரிக்கெட்
இந்தியா - ஆஸ்திரேலியா இடையேயான இரண்டாவது ஒருநாள் போட்டியில் ஆஸ்திரேலியா அணி இந்திய அணியை வீழ்த்தி அபார வெற்றி பெற்றுள்ளது.
2வது ஒருநாள் போட்டி
இந்தியா மற்றும் ஆஸ்திரேலிய அணிகளுக்கிடையேயான 3 போட்டிகள் கொண்ட ஒருநாள் தொடரில் இரண்டாவது ஒருநாள் போட்டி இன்று விசாகப்பட்டினத்தில் நடைபெறுகிறது.
முதல் ஒருநாள் போட்டியில் இந்திய அணி வென்றுள்ளதால் தொடரில் 1-0 என்ற நிலையில் முன்னிலை வகிக்கிறது. டாஸ் வென்ற ஆஸ்திரேலியா முதலில் பந்துவீச்சை தேர்வு செய்தது.
இதன்படி முதலில் களமிறங்கிய இந்திய அணி, ஆஸ்திரேலிய அணியின் பந்துவீச்சை தாக்குபிடிக்க முடியாமல் 117 ரன்களுக்கு அனைத்து விக்கெட்களையும் இழந்தது.
இந்திய அணி தோல்வி
அதிகபட்சமாக ஸ்டார்க் 5 விக்கெட்களும், சான் அப்பாட் 3 விக்கெட்களும், நேதன் எல்லிஸ் 2 விக்கெட்களும் வீழ்த்தினர்.
118 ரன்கள் வெற்றி இலக்குடன் களமிறங்கிய ஆஸ்திரேலிய அணியில் மிட்சேல் மார்ஷ்(66* ரன்கள்) மற்றும் ஹெட் (51* ரன்கள்) அதிரடியால் 11 ஒவர்களிலேயே வெற்றி இலக்கை எட்டியது.
இதன்மூலம் 10 விக்கெட் வித்தியாசத்தில் ஆஸ்திரேலியா வென்று தொடரில் 1-1 என்று சமநிலை வகிக்கிறது.
