20 ஓவர் உலக கோப்பை கிரிக்கெட் - ஆஸ்திரேலிய அணி வீரர்கள் பெயர் அறிவிப்பு...!

20 ஓவர் உலக கோப்பை கிரிக்கெட் போட்டிக்கான ஆஸ்திரேலிய அணி வீரர்கள் பெயர் இன்று அறிவிக்கப்பட்டுள்ளது. 

20 ஓவர் உலக கோப்பை கிரிக்கெட் போட்டி

ஆஸ்திரேலியாவில் இந்த ஆண்டு 7-வது டி 20 ஓவர் உலக கோப்பை போட்டி அக்டோபர் 16-ம் தேதி முதல் நவம்பர் 13-ம் தேதி வரை நடைபெற உள்ளது. 7-வது டி-20 ஓவர் உலக கோப்பை போட்டியில் மொத்தம் 16 நாடுகள் கலந்து கொள்ள உள்ளன.

நடப்பு சாம்பியன் ஆஸ்திரேலியா, இந்தியா, இங்கிலாந்து, நியூசிலாந்து, தென் ஆப்பிரிக்கா, பாகிஸ்தான், ஆப்கானிஸ்தான், வங்கதேசம் ஆகிய 8 நாடுகள் நேரடியாக சூப்பர் 12 சுற்றில் விளையாட இருக்கிறது.

இந்நிலையில், இன்று 20 ஓவர் உலக கோப்பை போட்டியில் கலந்து கொள்ளப்போகும் ஆஸ்திரேலிய அணி வீரர்கள் அறிவிக்கப்பட்டுள்ளனர்.

ஆஸ்திரேலிய அணி வீரர்களின் பெயர் வருமாறு -

ஆரோன் பிஞ்ச் (கேப்டன்),

கும்மின்ஸ் (துணை கேப்டன்),

ஆஸ்டன் ஆகர்,

டிம் டேவிட்,

ஹாசல்வுட்,

டேவிட் வார்னர்,

மேக்ஸ்வெல்,

மிச்சேல் மார்ஷ்,

ஸ்டீவ் சுமித்,

கானே ரிச்சர்ட்சன்,

ஸ்டார்க்,

ஸ்டோனிஸ்,

ஜோஸ் இங்லிஸ்,

மேக்யூ வாடே,

ஆடம் ஜம்பா.

டிம் டேவிட் -

சிங்கப்பூரில் பிறந்த ஆஸ்திரேலியாவை சேர்ந்த டிம் டேவிட் உலக கோப்பை அணியில் இடம்பெற்றிருக்கிறார். இவர் 14 இருபது ஓவர் போட்டியில் விளையாடியுள்ளார். ஐ.பி.எல். போட்டியில் அவர் அதிரடியான ஆட்டத்தை வெளிப்படுத்தியிருந்தார்.

ஆல் ரவுண்டரான டிம் டேவிட் உலக கோப்பை போட்டிக்கு முன்பு இந்தியாவுக்கு எதிராக நடைபெறும் 20 ஓவர் தொடரிலும் விளையாட உள்ளார்.

இந்தியாவுக்கு எதிரான 20 ஓவர் தொடரில் தொடக்க வீரர் வார்னருக்கு ஓய்வு கொடுக்கப்பட இருப்பது குறிப்பிடத்தக்கது.