முடிந்த தொகுதி பங்கீடு.? மதிமுகவிற்கு 1+1 கொடுக்க திமுக முடிவு..?

வரும் நாடாளுமன்ற தேர்தலில் முன்னிட்டு, திமுக தீவிர தொகுதி பங்கீடு பேச்சுவார்த்தையில் ஈடுபட்டு வருகின்றது.

மக்களவை தேர்தல் கூட்டணி

திமுக கூட்டணியில் காங்கிரஸ், இடதுசாரிகள், இந்தியன் முஸ்லிம் லீக், மதிமுக, விசிக போன்ற பிரதான கட்சிகள் இடம்பெற்றுள்ளன.

இதில், இன்னும் காங்கிரஸ் மற்றும் விசிகவிற்கு எத்தனை இடங்கள் என்பது முடிவாகாத நிலையில், மதிமுகவிற்கு 2 இடங்களை ஒதுக்கீடு செய்யவும் முடிவெடுக்கப்பட்டிருந்தது.

1+1

ஆனால், மதிமுக சார்பில் ஒரு ராஜ்ய சபா சீட் கோரிக்கை இருந்து வந்தது. மதிமுகவின் தலைவர் வைகோ, கடந்த 2019-ஆம் ஆண்டு முதல் ராஜ்ய சபா உறுப்பினராக இருந்து வருகின்றார். அவருக்கு தான் மீண்டும், மதிமுக கோரிக்கை வைத்துள்ளதாக கூறப்பட்டது.

இந்நிலையில், தற்போது புதிய செய்திகள் வெளிவந்துள்ளன. அதாவது திமுக கூட்டணியில், மதிமுகவிற்கு 1+1=2 1 லோக் சபா, 1 ராஜ்ய சபா இடங்களை ஒதுக்க முடிவெடுக்கப்பட்டுள்ளதாக தகவல் வெளிவந்துள்ளது.

கடந்த முறை தேர்தலில், ஈரோடு தொகுதியில் மதிமுக சார்பில் கட்சியின் கணேஷமூர்த்தி உதயசூரியன் சின்னத்தில் வெற்றி பெற்றிருந்தார் என்பது குறிப்பிடத்தக்கது.