சிவகங்கையில் பேருந்து நேருக்கு நேர் மோதி விபத்து - 11 பேர் உயிரிழப்பு

 சிவகங்கையில் அரசு பேருந்து நேருக்கு நேர் மோதிய விபத்தில் 11 பேர் உயிரிழந்துள்ளனர்.

சிவகங்கை பேருந்து விபத்து

சிவகங்கை மாவட்டம், காரைக்குடியிலிருந்து திண்டுக்கல்லுக்கு அரசுப் பேருந்து சென்றுள்ளது. எதிர்முனையில், திருப்பூரிலிருந்து காரைக்குடி நோக்கி செல்லும் மற்றொரு அரசுப் பேருந்து வந்துள்ளது. 

சிவகங்கை மாவட்டம், திருப்பத்தூர் அருகே வைரவன்பட்டி சமத்துவபுரம் பகுதியில், இன்று மாலை 4.20 மணிக்கு, இரு பேருந்துகளும் நேருக்கு, நேர் மோதியுள்ளது.

11 பேர் உயிரிழப்பு

இந்த கோர விபத்தில் சம்பவ இடத்திலேயே 9 பெண்கள் மற்றும் ஓட்டுநர் உட்பட 11 பேர் உயிரிழந்துள்ளனர். மேலும், 40க்கும் அதிகமானோர் படுகாயமடைந்துள்ளனர். 

காயமடைந்தவர்கள் சிகிச்சைக்காக திருப்பத்தூர், காரைக்குடி அரசு மருத்துவமனைகளில் அனுமதிக்கப்பட்டுள்ளனர்.

மாவட்ட ஆட்சியர் கா.பொற்கொடி சம்பவ இடத்தை நேரில் சென்று பார்வையிட்டதோடு, அரசு மருத்துவமனைக்கு சென்று காயமடைந்தவர்களுக்கு ஆறுதல் தெரிவித்துள்ளார்.

இந்த விபத்து காரணமாக அந்த சாலையில் போக்குவரத்து நெரிசல் ஏற்பட்ட்டுள்ளதால், வாகனங்கள் மாற்று வழித்தடத்தில் திருப்பிவிடப்பட்டுள்ளன.

விபத்துக்கான காரணம் குறித்து காவல்துறையினர் வழக்குப்பதிவு செய்து விசாரணை மேற்கொண்டு வருகின்றனர்.