சென்னையில் கனமழை : திருப்பிவிடப்பட்ட 10 விமானங்கள்

கனமழை காரணமாக சென்னையில் 10 விமானங்கள் ,திருப்பிவிடப்பட்டன. 

சென்னை கன மழை

சென்னை சுற்றுவட்டார பகுதிகளில் க்ன மழை பெய்து வருகிறது. இதனால் இத்தனை நாள் வாட்டி வதைத்து வந்த கோடை வெப்பத்தில் இருந்து சற்று குளிர்ச்சி கிடைத்ததாக மக்கள் நிம்மதி பெருமூச்சு அடைந்துள்ளனர். இருந்தாலும் சென்னையில் ஓரிரு இடங்களில் நீர் தேங்கி வாகன ஓட்டிகள் சிரமத்திற்கு உள்ளாகி உள்ளனர்.

திருப்பி விடப்பட்ட விமானங்கள் 

சென்னையில் கனமழை காரணமாக சென்னை விமான நிலையத்திற்கு வந்த 10 விமானங்கள் பெங்களூரு விமான நிலையத்திற்கு திருப்பி விடப்பட்டன.

குறிப்பாக துபாய், அபுதாபி, லண்டன், சார்ஜா, சிங்கப்பூர் உளிட்ட நாடுகளில் இருந்து வந்த விமானங்கள் தரையிறங்க முடியாமல் நீண்ட நேரம் வானில் வட்டமிட்டு பறந்தன.

அதன் பிறகு தான் பெங்களூரு விமான நிலையத்திற்கு திருப்பி விடப்பட்டன. சென்னையில் இருந்து டெல்லி, அந்தமான், துபாய், லண்டன் உள்ளிட்ட 9 இடங்களுக்கு செல்ல வேண்டிய விமானங்கள் கனமழை காரணமாக தாமதமாக புறப்படும் என்ற தகவலும் வெளியாகியுள்ளது.